Agave (testo teatrale)

Thēbae novā quādam rēligiōne ēvertī. veterum deōrum ārae tacēre. patriōrum sacerdōtum sapientia ēvānēscere. Thēbānōrum mentēs possēdit deus aliquis ex Oriente advena. nōn ūnum huic nōmen, nōn ūnō ex saeculō, nōn ē praesentī tantum praeteritīsve saeculīs. sōlus dē tōtō populō Pentheus rēx contrā obsistere audet. cui deus multa pollicērī: prōsternat hūmānam dignitātem, relinquat mōrēs avītōs, oblīvīscātur nūminum paternōrum: ipsī faveat. hōc pactō fore potentem, hōc pactō in aeternum prosperātūrum. deus hostis. hostis arma māter. ūnica sibi arma ratiō. paucī, sī ūllī, sociī. victōria glōriā sēiūncta. fābula arboris, quae contrā procellam pugnāvit atque ā rādīcibus ipsa suīs prōdita est.